السعودي والكويتيه(خالد وجمانه الجزء الاول)

{ خالد و جمانه}.. السعودي الذي عشق بنت الكويت.. ( قصه حقيقيه)




،‘

قصه بقمة الروعه أنصحكم بقرأتها..

وآنا متأكدهـ إنها بتعجبكم


،‘





في الكويت و تحديدا ( سلوى)
جمانه : يما انتي شتقوليين ..
ام جمانه : يا جومانه .. ما بيصير هيك ... فكري حبيبتي ..
هاي فرصة البابا يرجع كل شي متل ما كان
جمانه : يمه ... شفكر من صجج ... صعب صعب .
ام جمانه : يا ماما يا حبيبتي ابوك آل يا تاخذي انتي
ابن عمك يا اخوكي عماد ياخذ بنت عمو .. و عارفه عماد
ألبو معلق بسعاد ... حرام نكسر ألبو
جمانه : يمه و ليش اصير انا كبش الفدا ليش ؟؟
و بهل اثناء يرجع ابو جمانه .. الدكتور سالم
من الدوام و يسمع الجزء الاخير من الحديث
ابو جمانه : يبه جمانه .. انا ما قلت بغصبج ..
و انتي تدرين ان ما عمري غصبتج على شي .
الام : انا كمان الت هيك .. بس هيه ما بعرف شو بها .
الابو : خليني معاها يا رولا شوي .
الام : متل ما بدك ... عن ازنك
الابو : يبه يا جمانه انا ما غصبتج ... انا قلت لكم الي صار ..
عمي العود دق و تعنى و حاب يسوي خير
و قال يا ياخذون بنتك يا تاخذ بنتهم لولدك . و انا قلت لامج الموضوع
عشان تفاتحكم و امج الي اختارت انه نزوجج خالد
جمانه : يبا ... بس خالد هذا ما اعرفه .. اسمه ولد عمي .. بس مافي شي يربطني فيه
الابو : يا جمانه ... انا ما اقدر اجبرج بشي صدقيني ...
بس انتي اذا وافقتي بتسوين خير و بتاخذين اجر
الله اعلم فيه ...انتي يا يبا بتوصلين رحم صار له فتره مقطوع ..
و تدرين شنو لصلة الرحم عند رب العالمين .
جمانه : والله يبه لو في حل ثاني ما تاخرت .. بس صعب صعب ..
الابو : فكري يبا و لا تتسرعيين ...
اخذي اسبوع و فكري و تالي عطيني قرارج .
و طلع الالو و خلا جمانه في دوامة حزن تايهه .
. و مو عارفه مصيرها و المستقبل اشخاش لها .

سالم دكتور اسنان شاطر ... هو سعودي الجنسيه ..
كان يدرس بلبنان فتره لم تعرف على رولا
ام عياله ..و تزوجها من ورا علم اهله ...
و لم اخوه العود بو خالد قاله يرجع لان موعد زواجه من
بنت عمه قرب رفض سالم و قالهم عن زواجه ... صارت مشاكل كبيره ..
و صاروا اهله يخيرونه بينهم و بين رولا ...
بس سالم زاد عناده و اصراره على زواجه خصوصا لم عرف خبر حمل رولا .
و بعد زوبعه من المشاكل قرر سالم انه ما يرجع السعوديه و يروح الكويت و يبلش حياته
هناك ... و عاش سالم بالكويت مع مرته .. و كأنه كويتي
و ياب من زوجته عماد ولده البكر ... 22 سنه و جمانه 18 سنه و الاء الصغيره 10 سنين
تربوا عياله بين اهل الكويت ... و صاروا ما يفرقون عن الكويتين لا بطريقة الكلام و لا اللبس

سالم دكتور اسنان و رولا محاسبه .. و حياتهم كانت ممتازه و من الناحيه الماديه فوق الجيد جدا
انقطع سالم عن اخوه الوحيد و عن اهله بالسعوديه .. و صار جفاء تام بين العايليتين ..
صارت محاولات خفيفه للصلح بين الاخوان بس لو خالد كان رافض ..الين ياهم عمهم العود
و كلم بو خالد و كلم بو جمانه و شاف مافي طريقه تصفي القلوب غير انه يتناسبون الاخوان
و تصير بينهم علاقة يديده ترجع قوة العلاقه القديمه .
العم وليد له كلمه مسموعه لكبر سنه .. و سالم
و بو خالد ما حبوا يردونه خصوصا انه ريال مريض
بالقلب و تعبان و كبير بالعمر .


في السعوديه الخبر تحديدا ( اهل خالد اصولهم من جده ...
بس انتقلوا للخبر لان تجارتهم كلها في البحرين و الخبر ...
كانت لهم مجموعة شقق فندقيه كبيره ) بالاضافه لشركاتهم الثانيه

خالد : يمه حرام عليك ... الحين تزوجوني من وحده
لا عمري شفتها و لا لمحتها و مكتوب علي هل زواج غصب ؟
ام خالد : يمه مافي غير هل حل .انت تدري مافي غيرك ...
انت الكبير .. و اخوك بدر بعده يدرس بره
ما اقدر ازوجه ... و اختك الله يحفظها خالتك
متكلمه عليها من زمان تبيها لولدها فارس
( فارس صديق خالد ... و خالد عارف زين ان فارس ناطر اليوم الي تصير ريم اخت خالد زوجته )
خالد : بس يمه ما يصير كذا .. اتزوج وحده خبط لزق ... عل اقل اشوفها
ام خالد : يمه لو شفتها شنو الي بيتغير
خالد : يمه حتى انتوا ما قط شفتوها .. و لا تعرفون لها وصف
ام خالد : صاج و انا امك .. ما قط شفناها
خالد : انزين يمه ليش .. انا ايش ناقصني اخذ وحده ممكن تكون جيكره او نفسيتها مهي بزينه
ام خالد : انت ما فيك شي يا يمه و الف بنت تتمناك بس انت عارق القصه يا يمه
خالد : و ليه انا الي اصير كبش الفدا ؟؟ ليه
ام خالد : مافي غيرك يا نظر عيني ... و صدقني يمه الي بتسويه بتاخذ منه خير و اذا ما ارتحت
تقدر تعرس بغيرها يمه .. بس تكفه لا ترد ابوك ... ابوك و عمك طالت قطيعتهم
خالد : اخ يا يمه اخ ... ما توقعت بيوم اني اتزوج بهل طريقه .. و انا الي كلمتي تمشي عل كل
ام خالد : انت شيخ الشباب يمه و كلمتك فوق الكل ... بس عشان ابوك و انا امك
خالد : يصير خير يمه ... نصبر و نشوف عمي وليد اشبيقول .

خالد شاب وسيم ... يبلغ من العمر 30 سنه .. درس ادارة اعمال بامريكا و حاصل على الماستر
خالد كانت له مواصفات جماليه تلفت انتباه اي بنت تمر من عنده .و كانوا بنات العايله يتمنون يكونون من نصيبه
شاب له مركز و اسم بالديره .. و فوق هذا و هذا وسيم و غروره قاتل البنات الي ما قط وحده لفتت انتباهه
و كان دايم يقول لاهله انه بيتزوج وحده من اختياره .

جمانه بنت رقيقه .... توها اول كورس بالجامعه تدرس محاسبه ..طول عمرها شاطره و ذكيه
حبوبه الى ابعد الحدود ... تهتم باناقتها جدا .. حالها حال بنات الكويت الذويقات
الي يشوفها يشوف ملامح الجمال الحاده فيها .. و الي عقب اول ابتسامه تتحول انوثتها الى براءة طفوله
و السبب الغمازتيين الي باقل حركه من شفايفها يبانون واضحين على خدودها ..
كانت مزيج من الجمال اللبناني و الخليجي .. خلطه حلوه انتجت فتاة رقيقه بملامح خليجيه


في الكويت
عماد : جمانه انتي من صجج ؟؟ اشهل خرابيط
جمانه : هذا الي صار .. و امي تدري ما حبت تكسر بقلبك انت و سعاد ..قالت مافي غيري
عماد : و ليش تضحيين انتي ..طول عمرنا ما عرفنا عمي ...
خلاص مو لازم نعرفه الحين عقب ما كبرنا
جمانه : بس ابوي وده ... وحييل ما شفته و اهو يكلمني ... عاقد امال
عماد : ابوي ؟؟ من صجج
جمانه : ايي والله اول مره اشوفه ملهوف على شي جذي ...
عماد ابوي كبر و محتاج يشوف اهله
عماد : احنا كبرنا بروحنا جمانه ... و عادي نكمل من غيرهم
جمانه : بس ابوي معور قلبي .. تدري ما احب ارفض لابوي طلب
عماد : يعني بتوافقيين ؟؟؟
جمانه : مادري الله كريم


بعد يومين بالجامعه ( الكويت )
جمانه : هذا الي صار
مي صديقة جمانه : جمانو من صجج .. ينيتي .. تتزوجين جذي
جمانه : اخ يا جمانه صارلي اسبوع مو قادره اكل و لا انام ..
طول الوقت افكر و مو عارفه شسوي و لا شالحل
مي : ما يبيلها تفكير .. رفضي و من غير مناقشه
جمانه : ابوي ... ابوي معور قلبي .. اشوف بعينه لهفته
على اخوه .. و حسسني اني الطريقه الوحيده و مافي غيري
مي : و الحين هذا خالد مادري شسمه هم ما عنده مانع يتزوج وحده ما يعرفها
جمانه : هو سعودي .. لا تنسين هذي عاداتهم
مي : صج !!!!!! يعني يتزوجون من غير ما يشوفون حريمهم
جمانه : اشدراني انا ... بس اضن جذي
مي : امبي ... وناسه والله في سبرايز بالموضوع
جمانه : اففف يا ملقج ميو ... انا بوادي و انتي بوادي
مي : والله ابي اخفف عنج هل حمل و ابيج توسعين صدرج
جمانه : قومي نتغدى بره .. مالي خلق المحاضرات و خلاص كله مراجعه
مي : يالله قمنا .. بس نروح جيليز شرق .. مشتهيه بافالو
جمانه : اي شي المهم اطلع اغير جو

عماد ..طالب بالهندسه سنة تخرج ... و يحب سعاد بنت جيرانهم من فتره ..
سعاد اكبر من جمانه بسنه و تربطها فيها علاقه حلوه ... سعاد تدرس بالتربيه الاساسيه
و كانوا ام عماد و ام سعاد عارفين ان عيالهم يبون بعض ...
بس ناطرين عماد يتخرج و يتقدم رسمي يطلب ايد سعاد .

عماد : اي والله هذا الي صار
سعاد : امبي ... حبيبت يجمانه و شلونها الحين
عماد : اشلونها بعد ... احسها بتموت من التفكير
سعاد : الله يعينها ... بس مافي مجال ترفض
عماد : ابوي كاسر خاطرها .. و تحس ان مصير عايلتيين بيدها ..
سعاد : واي جمون يعد عمري ... حرام توها صغيره على هل حمل
عماد : الله يكون بعونها ... اصلا ما اقدر اتخيل جمانه تتزوج و تروح عنا
سعاد : من صجك .. اذا تزوجت بتروح السعوديه ؟
عماد : اكيد ... خالد عايش بالسعوديه ..هذا الي سمعته
سعاد : انزين مو تقول عندهم خير وايد .. خل يعيشون بالكويت
عماد : مادري والله عنهم .. هل امور يصير خير عليها المهم نشوف قرار جمانه شنو .
سعاد : و اهي متى بتقول رايها لابوك
عماد : اليوم ... لان العم وليد بيكلمه اليوم و بيشوف اشرسى هليه
سعاد : الله كريم

و في الصاله ببيت بو عماد نزلت جمانه و شافت
ابوها يقرا الجريده و يشرب قهوته التركيه
و امها عنده تقرا مجلات ..
جمانه : السلام
الابو و الام : عليكم السلام ... هلا جمانه شيخة البنات .
جمانه مشت بخطوات بطيئه لعند ابوها .. و باست راسه
رفع الابو راسه استغرب هل بوسه الي من غير مناسبه
جمانه : يبا انا موافقه ... توكلوا على الله
ارتسمت الابتسامه العريضه على وجه الابو .. و العكس على وجه الام ... حست اول جرس
دق ينذر ببعد جمانه عنهم .

الابو : بارك الله فيج .. ادري فيج يبا انج واعيه ماشالله عليج و فاهمه .. و زين ما اخترتي
والله بيبارك لج بحياتج دام انه نيتج صافيه
جمانه استأذنت و صعدت ... و الابو من الفرحه دق على عمه وليد يبشره بموافقته
على خطوبة خالد لبنته .. و كان هذا الحل .الي بيرجع المياه لمجاريها

تم كل شي بسرعه .. و اتفقوا على يوم بيروح فيه بو خالد مع خالد و عمهم وليد
و 2 ازواج خوات خالد للكويت .. بتكون الخطبه و الملكه بنفس اليوم .

يوم وصلوا الكويت راح سالم وولده عماد يستقبلوهم بالمطار ..
و كانت اللحظات الي سلموا فيها الاخوان على بعض تبكي الحجر ...
ااالجليد الي كان بينهم سنين و سنين ذاب بمجرد ما لامست ايدهم بعض ...
سالم حس انه عنده ضهر بالدنيا .. بو خالد اخوه له صيت الكل يشرق فيه
و بو خالد حس انه قسى على اخوه الصغير حيل ..ووده لو يرجع السنين و يصلح الغلط
و بعد حراره عناق .. عرفهم على ولده خالد و سلم على عمه و بالمثل كان عماد ...
سالم خذاهم للبيت لان بيقيمون عنده بالديوانيه ... لان عارف طبايع اخوه بو خالد مو مثل
طبايعه اهو و ااهله و كلم مرته ينعزلون هل جم يوم عشان ياخذ بو خالد راحته بالبيت

جمانه الي كانت مقابله الموضوع ببرود شديد ..
من دون اي لهفه تحوش البنت بمثل هذي المواقف
كان يوم ملكتها يوم عادي ... كانت قاعده ببيجامتها بغرفتها
لم صعدت لها امها و قالت لها تراهم ملجوا ...

جمانه : اها ... اوكي
الام عارفه شعور جمانه و ما حبت تغثها بتبريكات و كلام من هذا التوع خلتها و نزلت ..

بعد ما ملجوا .. حب خالد يشوف جمانه ... حب يشوف هل انسانه الي ياتره مغصوبه مثله .
او انها ما صدقت تحصل لها ريل ... بيشوف مدى خسارته بالموضوع ...
كلم عماد عشان يشوف اذا يقدر يدخل يسلم على اخته
و يسلم على مرت عمه مره وحده لان صارت
بمثابة عمته الحين و حلال عليه .

عماد قال لخالد تعال داخل معاي الصاله مافي احد و انا بكلم جمانه تنزل ..
دخل خالد و شاف عمته .. و لاول نظره تخيل انه هذي جمانه ... بس بسرعه لاحظ فرق السن
رولا انسانه تهتم بروحها لابعد الحدود ... و تحب تبين دايم شباب ...
خالد بقلبه : يا ريتها بس على امها .. و لا تطلع لي ماخذه مواصفات ثانيه من ابوها
سلم خالد على عمته و باس رايها و قعد ..
بالمقابل استانست رولا لم شافت زوج بنتها وسيم و فيه مواصفات فارس احلام كل بنت ..
و صعدت تنادي جمانه

الام : جومانه .. أومي البسيلك شي .. خالد هون بدو يشوفك
جمانه : نعم ؟؟ شيشوف ؟؟ كرتون طماط .. ملجه و ملجنا .. اشيبي بعد
الام : ما بيصير هيك جومانه
جمانه : الحين مو انتي قلتيلي بيملجون و بيمشون ثاني يوم ؟؟ مو قلتي عندهم عيب بالملجه
يطلع ويه زوجته
الام : ايي و ما ألت لك بدو يروح معك مشوار ... بس تعي لتحت لحتى يسلم عليكي
جمانه : مابي ... مو بكيفه ... بيمشي عاداته علي ..
شوي بيشوفني شوي لا .. مو كافي الملجه السكاتيه الي جنها
عزا مو ملجه
الام : لا اله الا الله .. و بعدين شو بدي اول للزلمه تحت عم يستنى
جمانه : خليه ... قوليله تعبانه .. و لا اقولج قوليله مستحيه ..
مو اهم عندهم جذي .. خلاص مو لازم

الام عارفه بنتها ... مضغوطه بما فيه الكفايه و مو حابه تزيد الضغوطات عليها .

اقروها ولو اعجبتكم راح اكملها
يالله ابي اشوف ردودكم